Mattia Zaccagni, lykilmaður Lazio, lagði upp bæði mörk liðsins í 2-1 sigri á Hellas Verona í Seríu A á Ítalíu í kvöld. Þetta var annar sigur Lazio á tímabilinu.

Lazio hafði byrjað fyrstu þrjá leiki tímabilsins á að lenda undir, en uppskriftin var önnur í kvöld.

Zaccagni sendi Boulaye Dia í gegn á 5. mínútu og skoraði senegalski sóknarmaðurinn með góður skoti.

Casper Tengstedt jafnaði metin aðeins tveimur mínútum síðar áður en Valentin Casellanos gerði sigurmark Lazio eftir hornspyrnu Zaccagni.

Lazio fékk fullt af færum til þess að gera út um leikinn í síðari hálfleiknum en Lorenzo Montipo var að eiga stórleik í marki Verona.

Sem betur fer fyrir heimamenn dugði 2-1 og er Lazio nú með 7 stig eftir fjóra leiki en Verona með 6 stig.