„Leikurinn var allt í lagi á köflum. Þetta var þokkalega jafn leikur til að byrja með en svo gefum við klaufalegt mark," sagði Sindri Snær Magnússon, leikmaður ÍA, eftir 3-0 tap gegn Víkingi í úrslitaleik Mjólkurbikars karla.

Lestu um leikinn: ÍA 0 -  3 Víkingur R.

„Eftir markið kaffæra þeir okkur í 20 mínútur. Síðan finnst mér við ná vopnum okkar aftur. Við endum hálfleikinn nánast ágætlega. Við fáum svo á okkur svekkjandi mark og það drepur leikinn."

„Þetta vildi ekki inn hjá okkur og svo klára þeir þetta. Þeir eru verðskuldaðir sigurvegarar, því miður."

Sindri var nokkuð sáttur með sína eigin frammistöðu. Hann segir að undirbúningurinn fyrir leik hafi verið góður.

„Þetta var hefðbundin æfingavika. Ég er ekki óánægður með uppleggið, ég var mjög ánægður með það."

Sindri var undir lokin spurður út í sína eigin framtíð, hvort hann verði áfram á Skaganum. „Ég hef ekki hugmynd. Við eigum enn eftir að tala saman."

Allt viðtalið er hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit