mán 16. nóvember 2020 00:26
Guðmundur Aðalsteinn Ásgeirsson
KSÍ staðfestir breytingar á hópnum fyrir leikinn gegn Englandi
Icelandair
Gylfi og Aron verða ekki með gegn Englandi.
Gylfi og Aron verða ekki með gegn Englandi.
Mynd: Fótbolti.net - Hafliði Breiðfjörð
Ísak Bergmann, 17 ára, er á meðal þeirra sem koma inn í hópinn.
Ísak Bergmann, 17 ára, er á meðal þeirra sem koma inn í hópinn.
Mynd: Fótbolti.net - Hafliði Breiðfjörð
KSÍ hefur staðfest breytingar sem verða á landsliðshópnum fyrir leikinn gegn Englandi á miðvikudag.

Sex leikmenn fara úr hópnum og þá verður Hörður Björgvin Magnússon í leikbanni. Inn í hópinn koma fimm leikmenn úr U21 landsliðinu.

Leikurinn gegn Englandi í Þjóðadeildinni á Wembley verður síðasti leikur Erik Hamren sem landsliðsþjálfara Íslands.

Fótbolti.net verður með beina textalýsingu frá Wembley á miðvikudag.

Tilkynning KSÍ
Nokkrar breytingar verða á leikmannahópi A landsliðs karla fyrir síðasta leik ársins, Þjóðadeildarleik gegn Englandi á Wembley á miðvikudag.

Aron Einar Gunnarsson, Alfreð Finnbogason, Gylfi Þór Sigurðsson, Jóhann Berg Guðmundsson, Ragnar Sigurðsson og Viðar Örn Kjartansson verða ekki með liðinu gegn Englandi og inn í hópinn koma þeir Alfons Sampsted, Jón Dagur Þorsteinsson, Andri Fannar Baldursson, Sveinn Aron Guðjohnsen og Ísak Bergmann Jóhannesson, sem allir voru í leikmannahópnum hjá U21 landsliðinu sem lék tvo leiki í undankeppni EM á dögunum.

Hörður Björgvin Magnússon tekur út leikbann gegn Englandi, þar sem hann fékk sína aðra áminningu í Þjóðadeildinni í leiknum gegn Dönum.

Leikurinn fer fram sem fyrr segir á Wembley-leikvanginum í Lundúnum á miðvikudag, hefst kl. 19:45 að íslenskum tíma og er í beinni útsendingu á Stöð 2 Sport.
Athugasemdir
banner
banner
banner
banner