Fotbolti.net
16.11.26 - 18:30
Brynjar Ingi Erluson

Klopp: Virgil er einn sá myndarlegasti og getur sungið stórkostlegan baríton

Klopp: Virgil er einn sá myndarlegasti og getur sungið stórkostlegan baríton
Canon

Mynd: EPA

Jürgen Klopp, þjálfari þýska landsliðsins, sló á létta strengi á fréttamannafundi fyrir leik Þýskalands gegn Hollandi í Þjóðadeildinni.
Klopp var spurður út í fyrrum lærisvein sinn Virgil van Dijk, sem var einn af hans mikilvægustu leikmönnum á árunum hjá Liverpool.

Van Dijk verður ekki með Hollendingum í leiknum vegna smávægilegra meiðsla, en Klopp var engu að síður spurður hvað það væri við varnarmanninn sem hefði heillað hann mest.

„Útlitið hans. Virgil er einn myndarlegasti fótboltamaður sögunnar og svo er það röddin hans. Hann getur sungið stórkostlegan baríton,“ sagði Klopp og lék á als oddi.

Klopp sló síðan á alvarlegri nótur þegar talið barst að leiknum sjálfum, en hann býst við erfiðu verkefni gegn Hollendingum.

„Við vitum hvað bíður okkar. Xavi er þjálfari sem elskar að spila hápressubolta, það er nokkuð ljóst. Það er ekkert vandamál í sjálfu sér og ég hef upplifað það oft á mínum ferli, en við erum líka hrifnir af því að sækja. Það verður samt erfitt verkefni,“ sagði Klopp.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.