Fotbolti.net
16.11.26 - 21:42
Brynjar Ingi Erluson

Þjóðadeildin: Þjóðverjar fóru illa með Hollendinga - Wirtz með tvennu

Florian Wirtz er sjóðandi heitur þessa dagana

Florian Wirtz er sjóðandi heitur þessa dagana

Canon

Mynd: EPA

Florian Wirtz og Brajan Gruda stálu senunni þegar Þýskaland tryggði sér sæti í átta liða úrslitum Þjóðadeildarinnar með því að pakka Hollendingum saman, 5-0, í Berlín í kvöld.
Þjóðverjar vissu fyrir leikinn að þeir þyrftu sigur til að komast áfram og brugðust þeir svo sannarlega ekki.

Hinn 24 ára gamli Derry Scherhant, sem lék sinn fyrsta landsleik í síðasta mánuði, kom Þjóðverjum yfir á 41. mínútu þegar hann fékk boltann vinstra megin í teignum og smurði honum upp í fjærhornið.

Florian Wirtz var næstur á blað þegar hálftími var eftir af leiknum. Hann dansaði þá með boltann við vítateiginn, færði hann yfir á vinstri fótinn og klíndi honum glæsilega upp í vinstra hornið.

Liverpool-maðurinn er heldur betur að finna sitt besta form á ný og sýndi það svo sannarlega með landsliðinu í kvöld.

Nico Schlotterbeck bætti við þriðja markinu aðeins sex mínútum síðar áður en Wirtz skoraði sitt annað mark með laglegu skoti upp í þaknetið eftir frábæran undirbúning Brajan Gruda.

Þjóðverjar voru þó ekki hættir og Gruda, sem hafði þegar lagt upp tvö mörk, fékk sjálfur að komast á blað sjö mínútum síðar. Hann skoraði þá fimmta markið og þar við sat.

Þjóðverjar tryggðu sér þar með toppsætið með ellefu stig, jafnmörg og Holland sem hafnaði í öðru sæti. Grikkir unnu Serbíu 1-0 og enduðu einnig með ellefu stig, en sátu eftir vegna lakari markatölu.

Sviss hafði þegar tryggt sér sæti í A-deildinni og fagnaði því með 4-0 sigri á Skotlandi. Slóvenía vann þá 3-0 sigur á Norður-Makedóníu og fer í umspil um sæti í A-deildinni.

Þýskaland 5 - 0 Holland
1-0 Derry Scherhant ('41 )
2-0 Florian Wirtz ('60 )
3-0 Nico Schlotterbeck ('65 )
4-0 Florian Wirtz ('71 )
5-0 Brajan Gruda ('77 )

Grikkland 1 - 0 Serbía
1-0 Georgios Masouras ('69 )

B-deild

Norður-Makedónía 0 - 3 Slóvenía
0-1 Danijel Sturm ('29 )
0-2 David Zec ('66 )
0-3 Danijel Sturm ('90 )

Sviss 4 - 0 Skotland
1-0 Lewis Ferguson ('22 , sjálfsmark)
2-0 Winsley Boteli ('47 )
3-0 Alvyn Sanches ('51 )
4-0 Zeki Amdouni ('89 )

Gíbraltar 0 - 1 Malta
0-1 Kurt Shaw ('19 )
Þjóðadeildin: Þjóðverjar fóru illa með Hollendinga - Wirtz með tvennu
Canon

Mynd: EPA

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.