Carlo Ancelotti gaf kost á sér í viðtal eftir 1-3 tap Everton á heimavelli gegn Manchester City, sem trónir á toppi úrvalsdeildarinnar með tíu stiga forystu á næstu lið.
Ancelotti viðurkenndi að leikslokum að betra liðið hafi unnið. Hann talaði um Man City sem besta lið ensku úrvalsdeildarinnar og býst hann við að félagið hampi Englandsmeistaratitlinum í sjöunda sinn.
„Þetta var nánast ómögulegur leikur. Þeir eru besta liðið í deildinni, við erum einfaldlega ekki á sama gæðastigi og þeir. Þeir eru ekki bara góðir í einhverju einu, þetta er nánast fullkomið fótboltalið," sagði Ancelotti að leikslokum.
„Ég er stoltur af strákunum því þeir héldu sér í leiknum fyrsta klukkutímann og börðust fyrir hvorn annan. Það er mjög erfitt að keppa við svona sterkt lið. Ég held við höfum verið að tapa fyrir verðandi Englandsmeisturum, það er nánast ekkert annað lið sem kemur til greina. Við reyndum að sækja en Rodri, Ruben Dias og Aymeric Laporte voru erfiðir viðureignar.
„Þetta City lið er það besta sem við höfum mætt á leiktíðinni og ég vil óska þeim til hamingju með það. Þeir eru ótrúlega góðir bæði með og án boltans, allir leikmenn liðsins skila inn þvílíku vinnuframlagi."
Everton á næst leik við nágranna sína, fráfarandi Englandsmeistara Liverpool.
„Þetta verður allt öðruvísi leikur gegn Liverpool. Þeir eru með frábært lið en það er aldrei að vita hvernig þessi viðureign fer. Við höfum verið að gera góða hluti á útivöllum og vonandi tekst okkur að ná jákvæðum úrslitum gegn nágrönnunum."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
