Juventus að undirbúa tilboð í Albert

Á blaðsíðu þrjú í Tuttosport er sagt að Juventus sé að teikna upp tilboð í Albert Guðmundsson, leikmann Genoa og íslenska landsliðsins.

Sagt er að ítalska stórliðið hafi þegar rætt við fólk í herbúðum Alberts og sé að setja saman tilboð til Genoa. Juve er sagt vilja bjóða argentínska miðjumanninn Enzo Barrenechea sem hluta af tilboðinu.

Albert er eftirsóttur og allt bendir til þess að hann verði seldur frá Genoa í sumar eftir frábært tímabil í ítölsku A-deildinni þar sem hann hefur skorað fimmtán mörk og átt fjórar stoðsendingar í 32 leikjum.