banner
   þri 17. maí 2022 07:45
Elvar Geir Magnússon
Mbappe til Real - Newcastle sagt hafa áhuga á Mourinho
Powerade
Jose Mourinho, stjóri Roma.
Jose Mourinho, stjóri Roma.
Mynd: EPA
Ousmane Dembele.
Ousmane Dembele.
Mynd: EPA
Mbappe, Mourinho, Dembele, Phillips, Raphinha og fleiri í slúðurpakkanum. BBC tók saman það helsta úr ensku götublöðunum.

Real Madrid hefur gert samkomulag við Kylian Mbappe (23) um fimm ára samning. Hann fer til spænska félagsins á frjálsri sölu þegar samningur hans við Paris St-Germain rennur út í sumar. (Marca)

Mbappe hefur ekki formlega skrifað undir hjá Real Madrid og PSG gefst ekki upp á að reyna að fá hann til að vera áfram í frönsku höfuðborginni. (Athletic)

Newcastle United hefur áhuga á að fá Jose Mourinho frá Roma til að taka við á St James' Park, þrátt fyrir gríðarlegan árangur undir stjórn Eddie Howe. (Marca)

Erik ten Hag, verðandi stjóri Manchester United, segist hafa fengið tilboð um að starfa hjá öðrum félögum með 'betri grunn' en hafi ákveðið að taka starfinu á Old Trafford. (De Telegraaf)

Þýski miðjumaðurinn Ilkay Gundogan (31) hjá Manchester City mun yfirgefa félagið í sumar. (Mail)

Barcelona er tilbúið að gera tilboð í brasilíska sóknarleikmanninn Raphinha (25) hjá Leeds en West Ham er meðal félaga sem hafa áhuga á leikmanninum. (90Min)

Velski framherjinn Gareth Bale (32) mun yfirgefa Real Madrid í sumar en umboðsmaður hans vill ekkert segja til um það hvort leikmaðurinn leggi skóna á hilluna. (Mirror)

Bayern München hefur áhuga á því að fá Ousmane Dembele (25), sóknarleikmann Barcelona. Samningur franska landsliðsmannsins rennur út í næsta mánuði. (Sky Sports)

Ekki er búist við því að Lyon kaupi Tanguy Ndombele (25) sem hefur verið á láni hjá franska félaginu frá Tottenham. (Football Insider)

Newcastle og Aston Villa eru fremst í kapphlaupinu um enska miðjumanninn Kalvin Phillips (26) hjá Leeds. (Football Insider)

Arsenal hefur náð samkomulagi um kaup á brasilíska vængmanninum Marquinhos (19) frá Sao Paulo. Samningur hans mun gilda til 2027 og kaupverðið er í kringum 3,5 milljónir evra. (Fabrizio Romano)

Gríski varnarmaðurinn Konstantinos Mavropanos (24) hjá Arsenal er á leið alfarið til Stuttgart, þar sem hann hefur verið á láni. (Fabrizio Romano)

Sol Campbell (47), fyrrum varnarmaður Englands og Arsenal, mun funda með Queens Park Rangers sem er í stjóraleit eftir að Mark Warburton lét af störfum. (TalkSport)
Athugasemdir
banner
banner
banner