Alfreð Elías Jóhansson var eðlilega í stuði þegar Fótbolti.net náði tali af honum eftir sigur í úrslitum Mjólkurbikarsins í kvöld.

„Mér líður yndilega. Ég er ótrúlega ánægður og stoltur að því að eiga þátt í þessu," sagði Alli í mikilli geðshræringu eftir leik.

Lestu um leikinn: Selfoss 2 -  1 KR

„Ég var stressaður í lokin á móti þessu geggjaða KR liði. Þær spiluðu ógeðslega vel og þetta var ógeðslega erfiður leikur. Taugarnar voru þandar en þetta er ógeðslega gaman."

Þóra Jónsdóttir kom inná sem varamaður og skoraði sigurmarkið í leiknum.

„Hún skorar markið sem að skilur að og sú er heldur betur búin að stinga mörgum sokkum upp í þá sem að höfðu ekki trú á henni fyrir tveimur árum. Hún er bara að uppskera og hún mun muna eftir þessu þangað til hún fer á elliheimili."

Selfyssingar fjölmenntu á leikinn í kvöld og er Alfreð þakklátur þeim.

„Þeir voru geggjaðir frá A-Ö. Við mættum þremur tímum fyrir leik og þá voru einhverjir mættir. Valli Reynis er að skála núna á Tenerife og í kvöld ætlum við að skála," sagði Alfreð.

Viðtalið við Alfreð má sjá í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit