Spánn: Villarreal og Valencia byrja á jafntefli

Heimamenn komust þrisvar sinnum yfir í leiknum en alltaf náðu gestirnir frá Granada að jafna.

Santi Cazorla og Gerard Moreno voru meðal markaskorara Villarreal og þá skoraði Roberto Soldado næstsíðasta mark leiksins fyrir Granada.

Villarreal 4 - 4 Granada CF
1-0 Santi Cazorla ('35 , víti)
1-1 Fede Vico ('45 , víti)
2-1 Moi Gomez ('53 )
2-2 Darwin Machis ('62 )
3-2 Gerard Moreno ('65 )
4-2 Samuel Chimerenka Chukweze ('73 )
4-3 Roberto Soldado ('75 )
4-4 Antonio Puertas ('81 )

Valencia mætti Real Soceidad og var 1-0 yfir þegar gífurlega langur uppbótartími var settur af stað.

Kevin Gameiro fékk tækifæri til að innsigla sigurinn en brenndi af vítaspyrnu á 95. mínútu og fimm mínútum síðar var dæmt víti á hinum endanum.

Francis Coquelin reyndist brotlegur á 100. mínútu og fékk sitt annað gula spjald. Mikel Oyarzabal skoraði úr spyrnunni og bjargaði stigi fyrir Sociedad.

Valencia 1 - 1 Real Sociedad
1-0 Kevin Gameiro ('58 )
1-1 Kevin Gameiro ('95 , Misnotað víti)
1-1 Mikel Oyarzabal ('101 , víti)
Rautt spjald: Francis Coquelin, Valencia ('100)

Nýliðar Mallorca höfðu þá betur gegn Eibar á meðan Osasuna stal stigunum á útivelli gegn Leganes.

Dani Rodriguez kom Mallorca yfir á heimavelli en Paulo Oliveira jafnaði fyrir Eibar. Oliveira var svo aftur á ferðinni á 75. mínútu en setti knöttinn þá í eigið net.

Leganes var mun betri aðilinn gegn Osasuna en færanýtingin var ekki uppá marga fiska. Ezequiel Avila gerði sigurmark gestanna gegn gangi leiksins á 75. mínútu.

Mallorca 2 - 1 Eibar
1-0 Dani Rodriguez ('4 )
1-1 Paulo Oliveira ('57 )
2-1 Paulo Oliveira ('75 , sjálfsmark)

Leganes 0 - 1 Osasuna
0-1 Ezequiel Avila ('75 )
Rautt spjald: Oscar, Leganes ('93)