„Virkilega sáttur við þrjú stig. Ekki alveg nógu ánægður með byrjunina á leiknum, það var eins og það væri smá slen í liðinu, áttum fínustu kafla og sérstaklega undir lok seinni hálfleiks þurftum við virkilega að hafa fyrir því og berjast fyrir hverjum einasta bolta sem er að koma inn í okkar teig. Víkingarnir settu okkur undir mikla pressu og sem betur stóðumst við hana." voru fyrstu Eiðs Smára þjálfara FH eftir sigurinn á Víkingum í Kaplakrika
Lestu um leikinn: FH 1 - 0 Víkingur R.
„Leikurinn spilaðist kannski ekki alveg eins og við settum hann upp en úrslitin kærkomin."
Það er leikið þétt í deildinni um þessar mundir. Fann Eiður fyrir einhverju þreytumerki í FH liðinu í dag?
„Mér fannst við sjá það aðeins og það kannski undirstrikaði það að menn eins Pétur sem tognaði aðeins í upphitun. Það er eitthvað um smávægileg meiðsli eftir leikinn og það sýnir bara að þetta tekur sinn toll á menn en við vonum að við getum haft alla sem hressasta fyrir næsta leik því við þurfum virkilega á öllum að halda, sérstaklega á næstu vikum."
Viðtalið í heild sinni má sjá í sjónvarpinu hér að ofan þar sem hann ræðir til að mynda um meiðsli Daníels Hafsteinssonar
Athugasemdir