Spánn: Ömurleg byrjun Celta

Celta Vigo byrjar tímabilið á Spáni í raun ömurlega en liðið mætti Cadiz á heimavelli sínum í kvöld.

Celta var aðeins með eitt stig fyrir heimaleikinn í kvöld og það varð engin breyting á því þar sem gestirnir komu, sáu og sigruðu.

Cadiz vann 2-1 útisigur og var þetta fyrsti sigur liðsins í deildinni eftir tvö jafntefli og tvö töp.

Celta er í fallsæti með aðeins eitt stig en í annarri umferð gerði liðið markalaust jafntefli við Osasuna.