Emil Atlason, markahæsti leikmaður Bestu deildar karla, var niðurlútur eftir 2-0 tap Stjörnunnar gegn Val á Origo-vellinum í kvöld.
Lestu um leikinn: Valur 2 - 0 Stjarnan
Sóknarmaðurinn knái hefur verið einn af bestu leikmönnum deildarinnar í ár en hann náði ekki að finna sig fyrir framan markið í kvöld.
Stjörnumenn eru í harðri baráttu um Evrópusæti en þetta var bara einn af þessum dögum.
„Þetta var bara leikur á báða bóga, datt fyrir þá, en ekki fyrir okkur.“
„Þetta var einn af þessum dögum, hann fór ekki inn og það fór inn hjá þeim. Þeir náðu seinna markinu í lokin þegar við erum að reyna að ná inn jöfnunarmarkinu, en þetta er bara einn af þessum dögum,“ sagði Emil við Fótbolta.net.
Næsti leikur Stjörnunnar er gegn hans gamla félagi, FH, en sá er gríðarlega mikilvægur fyrir bæði lið. FH-ingar eru í fjórða sætinu með 37 stig, en Stjarnan sætinu neðar með 34 stig.
„Við förum inn í hvern leik til að reyna að vinna hann og það er bara markmiðið okkar,“ sagði Emil í lokin.
Athugasemdir