Spánn: Dramatískur sigur í fyrsta leik Greenwood

Mason Greenwood er kominn aftur út á fótboltavöllinn en hann kom inn á sem varamaður í dramatískum sigri Getafe á Osasuna.

Staðan var 2-2 þegar Greenwood kom inn á þegar um stundarfjórðungur var eftir af venjulegum leiktíma.

Hann átti skot sem markvörður Osasuna varði í horn. Eftir hornspyrnuna skoraði Nemanja Maksimovic og tryggði Getafe 3-2 sigur.

Þetta var fyrsti leikur Greenwood í tæp tvö ár en hann er á láni frá Manchester United. Hann var kærður fyrir tilraun til nauðgunar og ofbeldi gegn kærustu sinni en málið var látið niður falla í upphafi árs.