KA undirbýr sig fyrir bikarúrslitin á Grenivík
Snjór í fjöllum, en það var nokkuð hlýtt fyrir norðan í dag.
Mynd: Fótbolti.net - Sæbjörn Steinke
Snjór í fjöllum, en það var nokkuð hlýtt fyrir norðan í dag.
Mynd: Fótbolti.net - Sæbjörn Steinke
KA spilar til úrslita í Mjólkurbikarnum á laugardag. Annað árið í röð mætir KA liði Víkings í úrslitaleiknum, en í fyrra vann Víkingur 3-1 sigur.
KA undirbýr sig fyrir leikinn með því að æfa á Grenivíkurvelli. Liðið æfði þar í dag og mun æfa þar aftur á morgun.
Úrslitaleikurinn fer auðvitað fram á Laugardalsvelli sem er grasvöllur en Greifavöllurinn, heimavöllur KA, er gervigrasvöllur.
KA hefur fyrr í sumar brugðið á það ráð að æfa utan Akureyrar fyrir leik á grasi; liðið æfði á Hrafnagili fyrir leikinn gegn KR á Meistaravöllum sem var fyrsti grasleikur Norðanmanna í sumar.
KA undirbýr sig fyrir leikinn með því að æfa á Grenivíkurvelli. Liðið æfði þar í dag og mun æfa þar aftur á morgun.
Úrslitaleikurinn fer auðvitað fram á Laugardalsvelli sem er grasvöllur en Greifavöllurinn, heimavöllur KA, er gervigrasvöllur.
KA hefur fyrr í sumar brugðið á það ráð að æfa utan Akureyrar fyrir leik á grasi; liðið æfði á Hrafnagili fyrir leikinn gegn KR á Meistaravöllum sem var fyrsti grasleikur Norðanmanna í sumar.
Það er ekki um auðugan garð að gresja þegar kemur að grasvöllum á Akureyri, VÍS-völlurinn, heimavöllur Þórs, hefur átt betri ár og næstu grasvellir eru fyrir utan bæjarmörkin. Það eru um 30 km frá Akureyri til Grenivíkur.
Allir leikmenn KA tóku þátt í æfingunni í dag. Bikarúrslitaleikurinn hefst klukkan 16:00 á laugardag.
Allir leikmenn KA tóku þátt í æfingunni í dag. Bikarúrslitaleikurinn hefst klukkan 16:00 á laugardag.
