Eins og staðan er núna er búið að fresta öllum leikjum út þennan mánuð og ólíklegt að deildin hefjist á ný í byrjun apríl eins og upprunalega var stefnt á.

Á morgun fundar enska úrvalsdeildin um framhaldið hjá sér og þá verður framhaldið skýrara.

Liverpool er langefst í ensku úrvalsdeildinni. Liðið er með 25 stiga forskot og þarf einungis sex stig til að tryggja titilinn.

„Ég hef bæði séð og heyrt falskar fréttir um að UEFA ætli að ráðleggja deildum að klára deildir sínar núna og lýsa því yfir að liðið númer eitt sé meistari. Ég get sagt ykkur það að það er ekki rétt,“ sagði Ceferin.

„Markmið okkar er að klára deildirnar og við höfum ekki ráðlagt neinni deild að enda tímabilið núna," bætti forsetinn við.