Þýskaland: Dortmund valtaði yfir Köln

Borussia Dortmund mun verma toppsæti þýsku deildarinnar í að minnsta kosti sólarhring eftir að liðið kjöldró Köln, 6-1, Signal Iduna Park í dag.

Heimamenn voru í ham og gerðu út um leikinn á rúmum hálftíma en þeir Raphael Guerreiro, Sebastien Haller, Marcoe Reus og Donyell Malen komust allir á blað í fyrri hálfleiknum.

David Selke minnkaði muninn á 42. mínútu og fór Dortmund með 4-1 forystu inn í hálfleikinn.

Haller og Reus skoruðu tvö mörk á innan við mínútu þegar um tuttugu mínútur voru eftir og sigldu þessu í höfn.

Dortmund er með 53 stig í efsta sæti deildarinnar, einu stigi á undan Bayern München sem á leik gegn Bayer Leverkusen á morgun.