Ási var sáttur með sína stráka eftir 4-1 sigur gegn Magna á Extra vellinum í dag.
Fjölnismenn eru með 6 stig eftir þrjár umferðir í Inkasso deildinni.
Fjölnismenn eru með 6 stig eftir þrjár umferðir í Inkasso deildinni.
Lestu um leikinn: Fjölnir 4 - 1 Magni
„Ég er mjög sáttur með mína stráka, þetta er góður sigur, það eru allir leikir erfiðir í þessari deild og það er kúnst að eiga við leiki eins og þessi er settur upp í dag, það er bara mjög sterkt að skora fjögur mörk og fá þessi þrjú stig í dag.'' Voru fyrstu viðbrögð Ása eftir leik.
„Ósáttur við tapið í síðasta leik en annars er ég sáttur.'' Sagði Ási spurður út í uppskeruna hingað til.
„Þessi deild er bara þannig að það geta allir unnið alla, úrslitin eru bara að sýna það, Grótta er með hörku lið og Þórsarar sömuleiðis. Við þurfum að virða hvern einasta andstæðing.'' Sagði Ási þegar fréttaritari nefndi við hann að Þór hafi tapað gegn Gróttu og spurði hvort það kæmi sér vel fyrir Fjölnismenn.
Viðtalið í heild sinni má sjá í spilaranum hér að ofan en þar ræðir Ási meðal annars um næsta verkefni, komu Elís Rafns frá Stjörnunni og fleira.
Athugasemdir