Lestu um leikinn: FH 0 -  0 HK

Liðin náðu ekki að skora í annars fjörugum leik. FH er áfram taplaust á toppnum og með fjögurra stiga forystu á HK sem er í öðru sæti.

„Mjög mikið svekkelsi ef ég má vera hreinskilin. Við ætluðum okkur þrjú stig og ætluðum að vera afgerandi á toppnum, en það hafðist ekki í dag. Við tökum alveg stigið og erum áfram á toppnum," sagði Rannveig við Fótbolta.net.

En af hverju tókst þeim ekki að koma boltanum í netið?

„Þegar stórt er spurt þá er fátt um svör. Við ætluðum okkur svo mikið að skora. Við vorum smá undir í fyrri hálfleik en svo fórum við inn í hálfleik og Guðni og Hlynur létu okkur heyra það. Við komum snælduvitlausar inn í seinni hálfleik. Við ætluðum okkur að skora en stundum tekst það ekki," sagði Rannveig ennfremur.

Hægt er að sjá viðtalið í heild sinni hér fyrir ofan.