Spánn: Mögnuð byrjun Girona heldur áfram

Granada og Girona áttust við í eina leik kvöldsins í spænsku deildinni og voru gestirnir frá Girona komnir í þriggja marka forystu fyrir leikhlé.

Heimamönnum í Granada tókst að minnka muninn niður í eitt mark í síðari hálfleik en þá skoraði Yan Cuoto síðasta mark leiksins. Lokatölur urðu því 2-4 og deilir Girona öðru sæti spænsku deildarinnar með Barcelona. Bæði lið eiga 13 stig eftir 5 umferðir og eru tveimur stigum eftir toppliði Real Madrid sem er með fullt hús stiga. 

Girona er í eigu City Football Group og er því í nánum tengslum við Manchester City. Liðið er aðeins með Cuoto á láni frá Man City en það var annar leikmaður sem skoraði í dag sem hefur verið eyrnamerktur fyrir Englandsmeistarana.

Sá heitir Sávio, og er stundum kallaður Savinho. Hann er hjá Girona á láni frá franska félaginu Troyes - sem er einnig partur af City Football Group.