Rekinn.
Ítalska félagið Roma hefur rekið Daniele De Rossi þegar aðeins fjórum umferðum er lokið í Seríu-A.
De Rossi var ráðinn til að taka við af Jose Mourinho í janúar en Roma er án sigurs eftir fjóra deildarleiki á tímabilinu, þrír þeirra hafa endað með jafntefli og þá kom tap á heimavelli gegn Empoli í síðasta mánuði.
De Rossi var ráðinn til að taka við af Jose Mourinho í janúar en Roma er án sigurs eftir fjóra deildarleiki á tímabilinu, þrír þeirra hafa endað með jafntefli og þá kom tap á heimavelli gegn Empoli í síðasta mánuði.
Roma er í 16. sæti ítölsku A-deildarinnar eftir 1-1 jafntefli gegn Genoa á sunnudag.
Í yfirlýsingu frá Roma segir að ákvörðunin sé tekin með hagsmuni liðsins í huga.
„Daniele mun alltaf eiga heimili hjá Roma og félagið vill þakka honum fyrir starf hans síðustu mánuði, ástríðu og ákveðni," segir í yfirlýsingunni.
Miklar breytingar á hópnum
De Rossi byrjaði frábærlega sem stjóri Roma. Í hans fyrstu ellefu deildarleikjum tapaði liðið aðeins einu sinni, náði í 26 stig af 33 mögulegum. Hann kom Roma frá níunda sæti upp í það fimmta.
Roma er í Evrópudeildinni á þessu tímabili og mun meðal annars leika gegn Tottenham.
Í sumar keypti Roma markahæsta leikmann spænsku deildarinar, Artem Dovbyk frá Girona. Einnig fékk félagið hinn reynslumikla þýska miðvörð Mats Hummels á frjálsri sölu nýlega.
Chris Smalling fór til Al-Fayha í Sádi-Arabíu, Tammy Abraham fór til AC Milan á láni og Romelu Lukaku, sem var á láni hjá Roma á síðasta tímabili, er nú kominn til Napoli. Andrea Belotti (Como), Rui Patricio (Atalanta) og Leonardo Spinazzola (Napoli) hafa einnig yfirgefið félagið.
Sem leikmaður var De Rossi 22 ár hjá Roma, milli 1997 og 2019, og lék 616 leiki. Hann var í ítalska landsliðshópnum sem vann HM 2006.
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 19 | 14 | 1 | 4 | 41 | 16 | +25 | 43 |
| 2 | Milan | 19 | 11 | 7 | 1 | 30 | 15 | +15 | 40 |
| 3 | Napoli | 19 | 12 | 3 | 4 | 29 | 16 | +13 | 39 |
| 4 | Roma | 20 | 13 | 0 | 7 | 24 | 12 | +12 | 39 |
| 5 | Juventus | 19 | 10 | 6 | 3 | 27 | 16 | +11 | 36 |
| 6 | Como | 19 | 9 | 7 | 3 | 27 | 13 | +14 | 34 |
| 7 | Atalanta | 20 | 8 | 7 | 5 | 25 | 19 | +6 | 31 |
| 8 | Lazio | 20 | 7 | 7 | 6 | 21 | 16 | +5 | 28 |
| 9 | Bologna | 19 | 7 | 6 | 6 | 26 | 20 | +6 | 27 |
| 10 | Udinese | 20 | 7 | 5 | 8 | 22 | 32 | -10 | 26 |
| 11 | Sassuolo | 20 | 6 | 5 | 9 | 23 | 27 | -4 | 23 |
| 12 | Torino | 20 | 6 | 5 | 9 | 21 | 32 | -11 | 23 |
| 13 | Cremonese | 19 | 5 | 7 | 7 | 20 | 23 | -3 | 22 |
| 14 | Parma | 19 | 5 | 6 | 8 | 14 | 22 | -8 | 21 |
| 15 | Cagliari | 19 | 4 | 7 | 8 | 21 | 27 | -6 | 19 |
| 16 | Lecce | 19 | 4 | 5 | 10 | 13 | 27 | -14 | 17 |
| 17 | Genoa | 19 | 3 | 7 | 9 | 19 | 29 | -10 | 16 |
| 18 | Fiorentina | 20 | 2 | 8 | 10 | 21 | 31 | -10 | 14 |
| 19 | Pisa | 20 | 1 | 10 | 9 | 15 | 30 | -15 | 13 |
| 20 | Verona | 19 | 2 | 7 | 10 | 15 | 31 | -16 | 13 |
Athugasemdir
