| mið 18.sep 2024 14:00 Mynd: Fótbolti.net - Hafliði Breiðfjörð |
|
Lið ársins og þau bestu í Lengjudeild kvenna
Tímabilinu í Lengjudeild kvenna lauk fyrir stuttu. FHL fór með sigur af hólmi í deildinni en Fram endaði í öðru sæti eftir harða baráttu við Gróttu. Selfoss og ÍR féllu þá niður um deild. Fótbolti.net fékk þjálfara deildarinnar til að velja úrvalslið keppnistímabilsins. Hér að neðan má líta liðið augum en einnig var opinberað val á þjálfara og leikmanni ársins ásamt efnilegasta leikmanninum.
FHL fór með sigur af hólmi í deildinni.
Fram fór líka upp.
Samantha Smith er leikmaður ársins.
Markadrottningin Emma Hawkins.
Björgvin Karl Gunnarsson, þjálfari ársins.
Arnfríður Auður Arnarsdóttir, efnilegust í Lengjudeildinni.
Helga Rut Einarsdóttir (Grindavík)
Emma Young (Grindavík)
Rósey Björgvinsdóttir (FHL)
Hildur Björk Búadóttir (Grótta)
Brookelyn Entz (HK)
Arnfríður Auður Arnarsdóttir (Grótta)
Olga Sevcova (ÍBV)
Samantha Smith (FHL)
Emma Hawkins (FHL)
Murielle Tiernan (Fram)
Bekkur:
Margrét Rún Stefánsdóttir (Grótta)
Evangeline Bond-Flasza (Fram)
Telma Steindórsdóttir (Fram)
Selena Del Carmen Salas Alonso (FHL)
Rebekka Sif Brynjarsdóttir (Grótta)
Björg Gunnlaugsdóttir (FHL)
Alda Ólafsdóttir (Fram)
Aðrar sem fengu atkvæði í úrvalsliðið:
Markverðir: Guðný Geirsdóttir (ÍBV), Payton Michelle Woowdard (HK).
Varnarmenn: Erika Rún Heiðarsdóttir (Fram), Telma Sif Búadóttir (Grótta), Sif Atladóttir (Selfoss), Sigrún Ösp Aðalgeirsdóttir (Grótta), Asha Nikole Zuniga (HK), Sylvía Birgisdóttir (Fram), Vala María Sturludóttir (ÍA), Sandra Voitane (ÍBV), Sara Svanhildur Jóhannsdóttir (Fram).
Miðjumenn: Deja Jaylyn Sandoval (FHL), Sunna Rún Sigurðardóttir (ÍA) Mackenzie Elyze Smith (Fram).
Sóknarmenn: Guðmunda Brynja Óladóttir (HK).
Þjálfari ársins: Björgvin Karl Gunnarsson (FHL)
FHL verður fyrsta liðið frá Austurlandi til að spila í efstu deild síðan 1994. Það er afar merkilegur árangur og vel gert hjá Kalla sem hefur unnið flott starf fyrir félagið síðustu árin. Björgvin Karl hefur verið býsna góður í því að finna erlenda leikmenn á síðustu árum. Í ár má segja að hann hafi toppað sig þegar Emma Hawkins og Samantha Smith sömdu við félagið.
Aðrir sem fengu atkvæði sem þjálfari ársins: Óskar Smári Haraldsson (Fram), Skarphéðinn Magnússon (ÍA), Matthías Guðmundsson (Grótta).
Leikmaður ársins: Samantha Smith (FHL)
Það var kannski frekar erfitt að velja á milli Samönthu og Emmu Hawkins, en það var Samantha sem hafði betur. Magnaður leikmaður sem hafði ekkert erindi í Lengjudeildina. Hún var lánuð í Breiðablik eftir að FHL komst upp og hefur síðan þá verið einn öflugasti leikmaður Bestu deildarinnar. Átti frábært sumar fyrir austan.
Aðrar sem fengu atkvæði sem leikmaður ársins: Emma Hawkins (FHL).
Efnilegust: Arnfríður Auður Arnarsdóttir (Grótta)
Arnfríður, eða Aufí eins og hún er oftast kölluð, er ein efnilegasta fótboltakona landsins. Hún lék sinn fyrsta deildarleik með Gróttu fyrir tveimur árum, þá aðeins 14 ára gömul. Í sumar tók hún næsta skref og var algjör lykilmaður fyrir Gróttu sem var nálægt því að fara upp um deild.
Aðrar sem fengu atkvæði sem efnilegust: Sunna Rún Sigurðardóttir (ÍA), Rebekka Sif Brynjarsdóttir (Grótta).
Sjá einnig:
„Það er eins og ég sé í einhverri bíómynd hérna"
FHL að skrifa söguna: Eitt það merkilegasta í íslenska boltanum í sumar
Magnað sumar í Dal draumanna - „Þá hefðum við verið í fallsæti"
Athugasemdir
