Það tók Fiorentina fjórar mínútur að komast tveimur mörkum yfir gegn nýliðum Spezia en heimamenn gáfust ekki upp og náðu að koma til baka.

Cristiano Biraghi, fyrrum vængbakvörður Inter, skoraði og lagði upp fyrir gestina.

Bæði lið eru með fjögur stig eftir fjórar umferðir.

Spezia 2 - 2 Fiorentina
0-1 German Pezzella ('2)
0-2 Cristiano Biraghi ('4)
1-2 Daniele Verde ('39)
2-2 Diego Farias ('75)

Á sama tíma átti Torino heimaleik gegn Cagliari og töpuðu heimamenn þrátt fyrir tvennu frá Andrea Belotti.

Giovanni Simeone, sonur Diego, skoraði tvennu og er kominn með þrjú mörk í fjórum leikjum á tímabilinu.

Torino er því áfram án stiga á meðan Cagliari er komið með fjögur stig.

Torino 2 - 3 Cagliari
1-0 Andrea Belotti ('4, víti)
1-1 Joao Pedro ('12)
1-2 Giovanni Simeone ('19)
2-2 Andrea Belotti ('49)
2-3 Giovanni Simeone ('73)

Að lokum hafði Udinese betur gegn Parma þar sem Gerard Deulofeu og Ignacio Pussetto, sem eru báðir nýkomnir frá Watford, komu inn af bekknum í síðari hálfleik.

Staðan var 2-2 eftir nokkuð jafnan leik þegar Pussetto gerði sigurmarkið með flottu langskoti.

Udinese jafnaði Parma á stigum með sigrinum. Bæði lið eru með þrjú stig eftir fjórar umferðir.

Udinese 3 - 2 Parma
0-1 Hernani ('26)
1-1 Samir ('28)
2-1 Simone Iacoponi ('52, sjálfsmark)
2-2 Yann Karamoh ('70)
3-2 Ignacio Pussetto ('88)