Leam Richardson var rekinn fyrir viku síðan eftir að hafa tapað sjö leikjum í röð í deildinni.

Wigan, sem er í 22. sæti B-deildarinnar, hóf strax leit að nýjum þjálfara en félagið hafði samband við Yaya Toure, fyrrum leikmann Manchester City og Barcelona, en hann hafnaði tilboði Wigan.

Yaya þjálfar hjá Tottenham í dag og vildi ekki ganga frá því verkefni en Kolo, bróðir Yaya, var til í ævintýrið.

Kolo hefur verið að þjálfa yngri lið Leicester en mun nú taka við töluvert stærra hlutverki. Það er verið að ganga frá nokkrum smáatriðum áður en hann verður kynntur sem nýr stjóri liðsins.

Hann verður fyrsti Afríkumaðurinn til að þjálfa meistaraflokk á Englandi.