Spánn: Markvörður Sevilla hetjan gegn Alaves

Alaves er í fallbaráttu á meðan Sevilla er ofarlega á töflunni og það voru gestirnir sem byrjuðu leikinn betur.

Youssef En-Nesyri heldur áfram að skora fyrir Sevilla en hann hefur verið iðinn við kolann í vetur. Hann kom liðinu yfir strax á þriðju mínútu leiksins en stuttu siðar jafnaði Edgar Mendez metin fyrir Alaves.

Suso, fyrrverandi leikmaður Liverpool og AC Milan, kom Sevilla yfir þegar hálftími var búinn og Sevilla því yfir þegar flautað var til leikhlés.

Alaves fékk gullið tækfifæri til að jafna leikinn undir lok leiks þegar liðið fékk vítaspyrnu. Joselu steig á punktinn en hann lét Yassine Bounou verja frá sér.

Sevilla vann því leikinn og fer í fjórða sæti deildarinnar á meðan Alaves er einungis stigi frá fallsæti.