Evrópa í dag - Barcelona og Bayern í eldlínunni

Það er spilað í stærstu deildum Evrópu í dag eins og flest aðrar helgar.

Bayern er með sex stiga forystu á Leverkusen í þýsku deildinni. Bayern heimsækir Heidenheim í dag sem berst fyrir sæti sínu í deildinni.

Barcelona er með fjögurra stiga forystu á Real Madrid á Spáni. Barcelona fær Celta Vigo í heimsókn sem er í harðri baráttu um Evrópusæti. Atletico getur jafnað granna sína í Real að stigum með sigri á Las Palmas.

Þórir Jóhann Helgason og félagar í Lecce eru tveimur stigum frá fallsæti á Ítalíu þegar sex umferðir eru eftir. Lecce mætir Como sem er í góðum málum um miðja deild. Roma er í harðri baráttu um Evrópusæti en liðið mætir Verona. Þá getur Napoli jafnað topplið Inter að stigum með sigri á Monza.