Harry Kane, Konrad Laimer, Kingsley Coman og Joshua Kimmich gerðu mörk Bayern-manna.

Kane skoraði með flottu skoti rétt fyrir utan teig á 13. mínútu og gerði Laimer annað markið eftir að hafa sloppið í gegn aðeins sex mínútum síðar.

Kane átti líklega klúður tímabilsins rétt eftir markið hans Laimer er hann fékk boltann einhverjum hálfum metra frá markinu, en skallaði hann framhjá.

Bayern hélt áfram að sækja. Coman bætti við þriðja fyrir hálfleik með laglegu skoti úr þröngu færi og gerði Kimmich síðan út um leikinn snemma í síðari með skoti úr miðjum teignum.

Bayern með níu stiga forystu á toppnum þegar liðið á fjóra leiki eftir.

RB Leipzig fór illa að ráði sínu í 1-1 jafntefli gegn botnliði Holsten Kiel.

Shuto Machino kom gestunum óvænt yfir undir lok fyrri hálfleiks en eina mark Leipzig gerði Benjamin Sesko úr vítaspyrnu stundarfjórðungi fyrir leikslok.

Freiburg nýtti sér þennan hiksta hjá Leipzig með að vinna Hoffenheim, 3-2. Lucas Holer skoraði tvö mörk og er Freiburg nú með 58 stig í 5. sæti, einu stigi frá RB Leipzig sem er í Meistaradeildarsæti.

RB Leipzig 1 - 1 Holstein Kiel
0-1 Shuto Machino ('44 )
1-1 Benjamin Sesko ('74 , víti)

Heidenheim 0 - 4 Bayern
0-1 Harry Kane ('13 )
0-2 Konrad Laimer ('19 )
0-3 Kingsley Coman ('36 )
0-4 Joshua Kimmich ('56 )

Werder 1 - 0 Bochum
1-0 Mitchell Weiser ('80 )
Rautt spjald: Ibrahima Sissoko, Bochum ('86)

Freiburg 3 - 2 Hoffenheim
1-0 Lucas Holer ('28 )
2-0 Ritsu Doan ('36 )
2-1 Andrej Kramaric ('45 )
2-2 Marius Bulter ('45 )
3-2 Lucas Holer ('57 )

Mainz 2 - 2 Wolfsburg
0-1 Maximilian Arnold ('3 )
1-1 Lee Jae Sung ('37 )
2-1 Dominik Kohr ('40 )
2-2 Denis Vavro ('89 )