Fótbolti.net

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

Spenntur fyrir næsta skrefi - „Einn besti markvarðarþjálfari sem þú finnur á Íslandi"

Heimspekingur, kennari og nú þjálfari - „Þetta eru tímamót"

þri 19. september 2023 16:30

Sæbjörn Þór Þórbergsson Steinke

Arna Sif auðmjúk gagnvart landsliðinu: Átta mig á minni stöðu

Ég skil Val eftir heima og er mætt hingað til að vera leikmaður landsliðsins

Mynd: Jónína Guðbjörg Guðbjartsdóttir

Á æfingunni í dag.

Mynd: Jónína Guðbjörg Guðbjartsdóttir

„Úff, frábær spurning. Ég fékk einhverja stutta útskýringu á þessu í gær, veit að þetta er mikilvægt og mikilvægt fyrir okkur að komast sem best út úr þessu. En þetta er mjög spennandi," sagði Arna Sif Ásgrímsdóttir fyrir landsliðsæfingu dagsins.

Þjóðadeildin hefst á föstudag þegar Danmörk og Þýskaland mætast annars vegar og Ísland og Wales hins vegar. Landsliðið kom saman í gær og komu leikmenn beint af fundi í viðtöl við fjölmiðla í morgun.

Valur varð Íslandsmeistari í síðustu viku og var Arna spurð út í hvernig væri að koma inn í verkefnið sem Íslandsmeistari.

„Maður þarf að kúpla sig út úr sínu félagsliði þegar maður kemur hingað inn. Það eru öðruvísi áherslur. Ég skil Val eftir heima og er mætt hingað til að vera leikmaður landsliðsins."

Hvað vita leikmenn um Wales?

„Við skoðuðum þær aðeins áðan, hittumst fyrst í gær og fórum yfir fyrstu klippur í dag. Við spiluðum við þær á Pinatar og þetta er hörkulið, en það er fullt af möguleikum og eitthvað sem við ættum að geta nýtt okkur. Þetta verður bara hörkuleikur á föstudaginn."

„Markmiðið í þessu verkefni er bókstaflega það, að reyna vinna báða leikina."

Eigum ógeðslega mikið af góðum hafsentum
Arna hefur verið í landsliðinu undanfarið ár og hefur komið við sögu í fjórum vináttuleikjum. Hún er einn allra besti varnarmaður Bestu deildarinnar. Gerir hún ráð fyrir því að spila í þessu verkefni?

„Ég kem bara alltaf frekar auðmjúk inn í þessi verkefni, ég átta mig á minni stöðu og veit að við eigum ógeðslega mikið af góðum hafsentum. Ég kem bara hér og tek mínu hlutverki, hvað sem það er hverju sinni. Það kemur í ljós hvort ég spili, en ég reyni bara að skila mínu."

Landsliðsþjálfarinn hefur bæði spilað með tvo miðverði og svo þrjá.

„Við erum samt með fimm eða sex hafsenta. Það er bara hörkusamkeppni. Það verður bara að koma í ljós, ég bara tek mínu hlutverki og reyni að gera það sem best," sagði Arna og er hægt að taka undir með henni þegar kemur að breiddinni í miðvarðastöðurnar.

Miðverðirnir í hópnum:
Guðný Árnadóttir - AC Milan
Ingibjörg Sigurðardóttir - Valerenga
Glódís Perla Viggósdóttir - Bayern München
Arna Eiríksdóttir - FH
Guðrún Arnardóttir - Rosengård
Arna Sif Ásgrímsdóttir - Valur

Hún ræðir í viðtalinu um tímabilið með Val, Meistaradeildina, sig sjálfa og var svo spurð út í sinn fyrrum liðsfélaga. Viðtalið í heild sinni má sjá í spilaranum efst.

Leikurinn á föstudag hefst klukkan 18:00 og fer fram á Laugardalsvelli. Smelltu hér til að kaupa miða.