Heimir Guðjónsson.
„Það yrði svakalegt þjálfaraafrek hjá Heimi Guðjónssyni ef hann nær Evrópusæti með FH. Lið sem var í fallsæti eftir 22 umferðir í fyrra," segir Elvar Geir Magnússon í Innkastinu.
Ísland er komið með fjögur Evrópusæti og FH er sem stendur í fjórða sæti Bestu deildarinnar, sæti sem mun gefa farseðil í Evrópu.
Ísland er komið með fjögur Evrópusæti og FH er sem stendur í fjórða sæti Bestu deildarinnar, sæti sem mun gefa farseðil í Evrópu.
„Við vorum jafnir FH að stigum í fyrra en féllum á markatölu. Að snúa þessu við er ótrúlegt. Margir höfðu enga trú á FH-ingum fyrir þetta tímabil. Það eru breytt gildi þarna, miklu yngri leikmenn," segir Viktor Jónsson, sóknarmaður ÍA, sem var gestur í þættinum.
„Heimir bara kann þetta. Hann veit hvað hann er að gera, hann kann að vinna leiki og sækja árangur," segir Viktor.
Í þættinum fékk Daði Freyr Arnarsson markvörður FH hrós en hann hefur staðið sig afskaplega vel síðan hann fékk tækifærið í marki vegna meiðsla Sindra Kristins Ólafssonar.
„Sá er búinn að vera frábær, það er ekki hægt að setja neitt út á hann. Nú er hann að fá tækifæri til að setja allt aftur í gang á sínum ferli og hann er að grípa það," segir Sæbjörn Steinke í Innkastinu.
Besta-deild karla - Efri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 27 | 21 | 3 | 3 | 76 - 30 | +46 | 66 |
| 2. Valur | 27 | 17 | 4 | 6 | 66 - 35 | +31 | 55 |
| 3. Stjarnan | 27 | 14 | 4 | 9 | 55 - 29 | +26 | 46 |
| 4. Breiðablik | 27 | 12 | 5 | 10 | 52 - 49 | +3 | 41 |
| 5. FH | 27 | 12 | 4 | 11 | 49 - 54 | -5 | 40 |
| 6. KR | 27 | 10 | 7 | 10 | 38 - 48 | -10 | 37 |
Athugasemdir
