„Mér líður bara vel í henni strax," segir sóknarmaðurinn Sigurður Bjartur Hallsson sem er kominn í KR-treyjuna. Sigurður Bjartur skoraði sautján mörk fyrir Grindavík í Lengjudeildinni í fyrra.

Í samningi hans við KR er klásúla um að ef samningstilboð berst erlendis frá þá geti hann farið út, sú klásúla er fram í janúar. Hann er að fara til reynslu í Noregi í lok mánaðarins.

„Það var mjög fínt að fá þetta svigrúm frá KR og að þeir hafi verið tilbúnir í það," segir Sigurður Bjartur.

Hann segir að áhuginn frá öðrum íslenskum félögum hafi verið nokkuð mikill en um leið og KR hafi komið upp þá hafi hann tekið ákvörðun. „Að mínu viti er KR stærsta félag landsins. Þeir hafa unnið mest."

„Þetta er mjög stórt skref, það eru betri leikmenn og allt það. En ég er spenntur. Ég held að hér séu leikmenn sem ég get lært helling af og af Rúnari sem þjálfara.