England: Jafnt hjá Southampton og Chelsea

Southampton og Chelsea mættust í fyrsta leik dagsins í ensku úrvalsdeildinni og fór leikurinn rólega af stað. Chelsea var með yfirhöndina en Takumi Minamino kom heimamönnum yfir á 33. mínútu, gegn gangi leiksins.

Chelsea hélt áfram að vera betra liðið á vellinum og varði Alex McCarthy vel fyrir leikhlé og hélt stöðunni í 1-0 fyrir Southampton.

Gestirnir héldu áfram að sækja og fengu vítaspyrnu snemma í síðari hálfleik. Mason Mount skoraði af vítapunktinum og staðan orðin jöfn.

Bæði lið fengu færi til að skora en inn vildi boltinn ekki. Reece James fékk líklega besta færið á lokakaflanum en bakvörðurinn skaut yfir af stuttu færi.

Þessi leikur batt enda á hrikalega langa taphrinu Southampton sem er um miðja deild. Chelsea er í fjórða sæti með 43 stig eftir 25 umferðir.

Southampton á næst leik við Leeds United. Chelsea spilar næst stórleik við Manchester United.