England í dag - Man City hefur harma að hefna gegn Spurs

Mynd: Getty Images

Enska úrvalsdeildarhelgin byrjar í dag þegar Manchester City tekur á móti Tottenham í stórleik. Sami leikur fór fram í 8-liða úrslitum Meistaradeildarinnar fyrr í vikunni og stóðu heimamenn í Manchester uppi sem sigurvegarar, 4-3. Sá sigur nægði þó ekki og komst Tottenham í undanúrslitin eftir 1-0 sigur í fyrri leiknum.

Englandsmeistarar City hafa því harma að hefna en lokamínúturnar voru stútfullar af dramatík þar sem VAR myndbandstæknin var í aðalhlutverki. Raheem Sterling kom knettinum í netið undir lokin en rangstaða dæmd þökk sé tækninni. Mark frá Sterling hefði fleytt City áfram í næstu umferð.

Mikið er undir fyrir bæði lið í dag. City er í harðri titilbaráttu við Liverpool en samkeppnin er ekki minni fyrir Tottenham sem er í fjögurra liða Meistaradeildarbaráttu. Hafi Tottenham betur í dag gætu þeir eyðilagt annars frábært tímabil Manchester City.

Tottenham er að glíma við mikil meiðslavandræði og verða Harry Kane, Moussa Sissoko og Serge Aurier ekki með. Harry Winks, Eric Dier og Erik Lamela eru tæpir.

Fjórir leikir hefjast svo klukkan 14:00. West Ham fær Leicester í heimsókn í baráttunni um sjöunda sætið og Bournemouth tekur á móti föllnu liði Fulham. Botnlið Huddersfield á leik við Watford og Wolves mætir Brighton.

Newcastle og Southampton eigast við í síðasta leik dagsins. Liðin eru fyrir ofan fallsvæðið en þrjú stig færu langleiðina með að bjarga þeim frá falli.

Leikir dagsins:
11:30 Manchester City - Tottenham (Stöð 2 Sport)
14:00 Bournemouth - Fulham
14:00 Huddersfield - Watford
14:00 West Ham - Leicester
14:00 Wolves - Brighton
16:30 Newcastle - Southampton (Stöð 2 Sport)

Stöðutafla

#	Lið	L	mun	Stig
1	Arsenal	1	+3	3
2	Brentford	1	+3	3
3	Everton	1	+2	3
4	Hull City	1	+2	3
5	Ipswich Town	1	+1	3
6	Leeds	1	+1	3
7	Aston Villa	0	0	0
8	Chelsea	0	0	0
9	Fulham	0	0	0
10	Liverpool	0	0	0
11	Man City	0	0	0
12	Newcastle	0	0	0
13	Bournemouth	0	0	0
14	Brighton	0	0	0
15	Sunderland	1	-1	0
16	Nott. Forest	1	-1	0
17	Man Utd	1	-2	0
18	West Ham	38	-19	39
18	Crystal Palace	1	-2	0
19	Burnley	38	-37	22
19	Tottenham	1	-3	0
20	Wolves	38	-41	20
20	Coventry	1	-3	0