Ítalía: Sex mörk skoruð þegar Lazio og Bologna mættust

Sergej Milinkovic-Savic bjargaði stigi fyrir Lazio.

Mynd: Getty Images

Sergej Milinkovic-Savic bjargaði stigi fyrir Lazio.

Mynd: Getty Images

<b>Lazio 3 - 3 Bologna</b>
1-0 Joaquin Correa ('14 )
1-1 Andrea Poli ('50 )
1-2 Mattia Destro ('51 )
2-2 Bastos ('59 )
2-3 Riccardo Orsolini ('63 )
3-3 Sergej Milinkovic-Savic ('80 )

Næst síðustu umferðinni í ítölsku úrvalsdeildinni lauk í kvöld með frábærum leik Lazio og Bologna.

Nýkrýndir bikarmeistarar Lazio byrjuðu betur og komust yfir á 14. mínútu með marki Joaquin Correa. Það var eina mark fyrri hálfleiksins.

Í seinni hálfleiknum var skemmtanagildið aðeins meira. Miðjumaðurinn Andrea Poli, jafnaði fyrir Bologna á 50. mínútu og mínútu síðar kom Mattia Destro gestunum í Bologna yfir.

Varnarmaðurinn Bastos jafnaði aftur fyrir Lazio á 59. mínútu en stuttu síðar komst Bologna aftur yfir þegar Riccardo Orsolini skoraði.

Bologna náði ekki að landa sigrinum því miðjumaðurinn öflugi Sergej Milinkovic-Savic jafnaði metin þegar 10 mínútur voru eftir af venjulegum leiktíma. Það var síðasta markið í leiknum og niðurstaðan því 3-3 jafntefli.

Lazio er í áttunda sæti með 59 stig og getur hæst farið upp í sjöunda sæti. Lazio er nú þegar búið að tryggja sér sæti í Evrópudeildinni á næsta tímabili með því að vinna ítalska bikarinn. Bologna er í 12. sæti með 41 stig.

Stöðutafla

#	Lið	L	mun	Stig
1	Roma	4	+11	12
2	Inter	4	+7	12
3	Como	4	+5	10
4	Lazio	4	+3	10
5	Cagliari	4	+2	9
6	Milan	4	+3	8
7	Frosinone	4	+3	7
8	Juventus	4	+2	7
9	Sassuolo	4	+1	7
10	Napoli	4	+1	6
11	Atalanta	4	0	6
12	Lecce	4	-2	6
13	Udinese	4	-2	4
14	Torino	4	-3	3
15	Fiorentina	4	-6	3
16	Bologna	4	-3	1
17	Parma	4	-4	1
18	Monza	4	-5	1
19	Genoa	4	-6	1
20	Venezia	4	-7	0