David Luiz og Dani Ceballos lenti saman á æfingu hjá Arsenal í síðustu viku með þeim afleiðingum að Mikel Arteta sendi þá báða heim.

Leikmenn sem voru ekki í landsliðsverkefnum tóku æfingaleik á æfingasvæðinu og þar sauð upp úr.

Luiz kýldi Ceballos í nefið og Spánverjinn lá blóðugur eftir. Ceballos stóð reiður upp og ætlaði að svara fyrir sig en þá komu liðsfélagar og starfsmenn Arsenal og róuðu menn niður.

Luiz og Ceballos voru sendir heim af æfingu en leikmenn Arsenal fengu síðan þriggja daga frí um síðustu helgi.