Ítalía: Kalinic tryggði Verona stigin þrjú

Verona vann sterkan heimasigur í Serie A í kvöld er liðið mætti Bologna á heimavelli í eina leik kvöldsins. Nikola Kalinic reyndist hetjan með sigurmarkið.

Verona var fyrir viðureignina í 10. sæti með 30 stig og var Bologna þremur sætum neðar með 27 stig.

Heimamenn höfðu betur 2-1 eftir að hafa lent undir og lyfta sér upp í niunda sætið og eru nú fyrir ofan Torino sem á þó tvo leiki til góða.

Verona er aðeins tveimur stigum frá Evrópusæti en þar situr Fiorentina með 35 stig í sjötta sæti.