Þýskaland: Wolfsburg slátraði Freiburg - Union aftur á sigurbraut

Union var í toppmálum framan af tímabili og sat í toppsætinu en svo kom slæmur kafli og náði liðið aðeins í eitt stig úr síðustu þremur leikjunum fyrir HM í Katar.

Liðið kom með betri orku inn í leikinn gegn Hoffenheim í dag og skoraði þrjú mörk. Liðið lenti undir en á síðustu tuttugu mínútunum opnuðust flóðgáttirnar. Danilho Doekhi skoraði tvívegis áður en varamaðurinn Jamie Leweling gulltryggði sigurinn í uppbótartíma.

Union er í 3. sæti með 30 stig en Hoffenheim í 12. sæti með 18 stig.

Wolfsburg slátraði þá Freiburg nokkuð óvænt, 6-0. Freiburg hefur verið með bestu liðum deildarinnar á þessu tímabili en fékk svakalegan skell í dag.

Heimamenn voru þremur mörkum yfir í hálfleik og það nokkuð sanngjarnt þar sem Jonas Wind gerði tvö og Patrick Wimmer eitt en í þeim síðari bætti liðið við þremur til viðbótar og fagnaði mögnuðum sigri.

Eintracht Frankfurt vann 3-0 sigur á botnliði Schalke en öll úrslit dagsins má sjá hér fyrir neðan.

Úrslit og markaskorarar:

Union Berlin 3 - 1 Hoffenheim
0-0 Jordan Siebatcheu ('25 , Misnotað víti)
0-1 Ihlas Bebou ('43 )
1-1 Danilho Doekhi ('73 )
2-1 Danilho Doekhi ('89 )
3-1 Jamie Leweling ('90 )

Eintracht Frankfurt 3 - 0 Schalke 04
1-0 Jesper Lindstrom ('22 )
2-0 Rafael Borre ('84 )
3-0 Aurelio Buta ('90 )

Wolfsburg 6 - 0 Freiburg
1-0 Patrick Wimmer ('1 )
2-0 Jonas Wind ('28 )
3-0 Jonas Wind ('37 )
4-0 Yannick Gerhardt ('55 )
5-0 Ridle Baku ('80 )
6-0 Luca Waldschmidt ('90 , víti)

Bochum 3 - 1 Hertha
1-0 Philipp Hofmann ('22 )
2-0 Keven Schlotterbeck ('44 )
3-0 Philipp Hofmann ('56 )
3-1 Suat Serdar ('87 )

Stuttgart 1 - 1 Mainz
1-0 Sehrou Guirassy ('36 )
1-1 Marcus Ingvartsen ('40 , víti)