Spánn: Börsungar bálreiðir eftir tap í El Clasico

Andreas Christensen kom Barcelona yfir snemma leiks þegar hann skallaði boltann í netið. Lucas Vazquez var tekinn niður í teig Barcelona og Real fékk vítaspyrnu sem Vinicius Junior skoraði úr og jafnaði metin.

Barcelona virtist hafa komist yfir þegar Lamine Yamal kom boltanum framhjá Lunin í marki Real en markvörðurinn kom boltanum út í tæka tíð að mati dómarans.

Leikmenn Barcelona vildu meina að boltinn hafi farið yfir línuna en marklínutæknin er ekki notuð á Spáni og eftir að VAR skoðaði atvikið var ákveðið að boltinn hafi ekki allur verið kominn yfir línuna.

Barcelona náði hins vegar forystunni þegar hinn tvítugi Fermin Lopez skoraði. Lucas Vazquez jafnaði metin og það var síðan Jude Bellingham sem tryggði Real Madrid stigin þrjú í uppbótatíma.

Real Madrid er með ellefu stiga forystu á Barcelona á toppi deildarinnar þegar sex leikir eru eftir.

La Liga doesn't have goal-line technology ????
Lamine Yamal goal was disallowed, the referee said it wasn't awarded because the circumference of the ball was yet to go in fully ????#ElClasico #RealMadridBarça pic.twitter.com/xOTu1qUjFP

— Complete Football 247 (@Completefoot247) April 21, 2024

Almeria 1 - 2 Villarreal
0-1 Ilias Akhomach ('25 )
1-1 Rafael Lozano ('30 )
1-2 Alexander Sorloth ('90 )
Rautt spjald: Largie Ramazani, Almeria ('87)

Getafe 1 - 1 Real Sociedad
0-1 Ander Barrenetxea ('13 )
1-1 Juan Miguel Latasa Fernandez Layos ('29 )

Alaves 2 - 0 Atletico Madrid
1-0 Carlos Benavidez ('15 )
2-0 Luis Rioja ('90 )

Real Madrid 3 - 2 Barcelona
0-1 Andreas Christensen ('6 )
1-1 Vinicius Junior ('18 , víti)
1-2 Fermin Lopez Marin ('69 )
2-2 Lucas Vazquez ('73 )
3-2 Jude Bellingham ('90 )