"Ég er bara ánægður með stigið því við áttum ekki meira skilið, ef við áttum eitthvað skilið. Ég er bara hundsvekktur með leik okkar, úrslitin og allt mál við vorum bara lélegir. Við áttum fína byrjun sem við náum ekki að nýta okkur betur og skora fleiri mörk og þrýsta þeim til baka í seinni hálfleik með vindinn í bakið en í staðinn var það Leiknir sem voru með yfirtökin og fengu fleiri sénsa. Við þurfum bara að laga okkar leik heilmikið" Sagði Rúnar Kristinsson þjálfari KR svekktur í viðtali eftir leik.
Lestu um leikinn: KR 1 - 1 Leiknir R.
KR-ingar áttu frábærar fyrstu 20 mínútur en eftir það var lítið að frétta, hvað gerist eftir þessa góðu byrjun?
"Leikurinn breytist bara við förum að gera hluti sem við ætluðum ekki að gera og kannski ætluðum að fara spila of fínt, allt sem við gerðum í byrjun leiks heppnaðist nokkuð vel og þegar við komumst yfir fóru hlutirnir ekki að heppnast vel sem ég er ósáttur með og í síðari hálfleik er Leiknir bara betra lið"
Kjartan Henrý og Pálmi Rafn voru báðir á bekknum hjá KR í dag.
"Það er aldrei gaman að hafa þá á bekknum en hvorki Kjartan, Pálmi, Theódór Elmar eða þessir eldri strákar, geta ekkert spilað alla leikina í deildinni þar sem þeir eru orðnir 27 og svo evrópuleikir, bikarleikir þannig við þurfum að reyna dreifa álaginu á milli og það var það sem ég reyndi að gera. Hinir leikmennirnir sem koma inn eru allir að berjast fyrir sínu sæti og staðið sig vel hingað til. Í dag gekk það ekki upp og menn geta skellt skuldinni á mig"
Var þetta um vanmat að ræða í leikmannahópi KR?
"Nei aldrei. Við vanmetum engan í þessari deild, við erum ekki það góðir að geta farið að vanmeta önnur lið. Við vitum úr hverju Leiknismenn eru gerðir og þeir koma alltaf grjótharðir í Vesturbæinn og þeir sýndu það í dag þeir geta gert góða hluti í þessari deild og plummað sig í þessari deild þannig ég hef engar áhyggjur af þeim. Ég hef meiri áhyggjur af okkur"
Viðtalið má sjá hér í spilaranum fyrir ofan.