KFG tapaði í kvöld fjórða leiknum í röð þegar þeir mættu gríðarlega öflugu liði Selfoss á Samsung vellinum í kvöld í 2. deildinni. KFG fengu svo sannarlega færi til að fara með eitt jafnvel mörk inn í hálfleikinn en nýttu þeir þau ekki og fengu það svo í bakið eftir undarlegan dóm Ásmundar Þórs, dómara leiksins.
Lestu um leikinn: KFG 1 - 3 Selfoss
"Það sem gerði útslagið í kvöld var ömurleg dómgæsla þar sem kemur augljós markspyrna en hann dæmir hornspyrnu sem endar þeim í hag og þannig skora þeir fyrsta mark leiksins þegar við vorum í erfiðleikum að komast inn í leikinn, það er erfitt þegar maður er í fallbaráttu og fá svo dómara sem er ekki alveg á tánum í því sem er að gerast, þetta sáu allir á vellinum nema hann" Sagði Lárus eftir leik þegar talað var um dómara leiksins.
Næsti leikur KFG er erfiður útileikur gegn Völsungum þann 25. ágúst og er það gríðarlega mikilvægur leikur fyrir bæði lið.
Athugasemdir