Rafn Markús Vilbergsson, þjálfari Njarðvíkur fylgdi sínu liði til Ólafsvíkur þar sem liðið spilaði síðasta leik sinn í Inkasso-deildinni. Liðið var fallið fyrir leikinn og mun því leika í 2. deildinni að ári en Rafn stefnir að sjálfsögðu beint aftur upp með liðið.
Lestu um leikinn: Víkingur Ó. 4 - 2 Njarðvík
"Við byrjuðum þennan leik bara illa en við komum sterkir í seinni hálfleik. Við töluðum um það í hálfleik að við ætluðum ekki að fá einhverja útreið hérna og við gerðum það en svo kemur þetta víti og það var bara víti. Við vorum bara klaufar varnarlega en svona fór þetta í dag."
"Ég held að það hljóti að vera stefna okkar að fara beint aftur upp. Þetta er búið að vera lærdómsríkt sumar og það er svolítið grátlegt fyrir félagið að fara aftur niður eftir að hafa gert vel í fyrra að koma okkur upp"
Viðtalið má sjá í heild sinni hér fyrir ofan
