Pep skýtur á Móra vegna ásakana tengdum Sterling: Kannski er hann læknir

Pep Guardiola, stjóri Man City, hefur svarað ásökunum Jose Mourinho en Mourinho ýjaði að því að City hefði sett pressu á enska landsliðið að senda Raheem Sterling heim úr landsliðsverkefni.

Sterling yfirgaf herbúðir Englands í byrjun vikunnar og lék ekki með gegn Íslandi. Ástæðan var sögð vera minniháttar meiðsli. Mourinho var á því að Sterling væri ekkert meiddur og sagði Gareth Southgate, landsliðsþjálfara, að nafngreina og gagnrýna stjóra sem settu pressu á landsliðið út af vandamálum, meiðslum í þessu tilviki, sem enginn fótur væri fyrir.

<i>„Auðvitað vissi ég að Sterling myndi spila gegn okkur. Þegar Eric Dier fór úr landsliðshópnum í síðasta mánuði var hann ekki með í næstu tveimur leikjum okkar,"</I> sagði Móri á blaðamannafundi. Tottenham tekur á móti City í dag. <i>„En Raheem spilar þennan leik. Mér finnst að Gareth ætti að útskýra stöðuna fyrir öllum."</i>

<i>„Mourinho þarf að ræða við læknana í landsliðinu og læknana hér hjá City,"</I> sagði Guardiola. <i>„Nema kannski er Mourinho sjálfur læknir, ég veit það ekki."</I>