Ítalía um helgina - Spennandi leikur á San Siro

Benevento og Torino eigast við í eina leik dagsins í deildinni en Torino rak Marco Giampaolo, þjálfara liðsins, á dögunum. Davide Nicola tók við keflinu og verður þetta fyrsti leikur hans sem þjálfari liðsins.

Á morgun spilar Roma við Spezia en nýliðarnir skelltu Roma úr leik í ítalska bikarnum á dögunum. Það verður því hörkuleikur í Róm er liðin eigast við.

Zlatan Ibrahimovic og vinir í Milan mæta Atalanta á meðan Udinese fær Inter í heimsókn. Fiorentina spilar þá við Crotone í lokaleik laugardagsins.

Á sunnudag spilar Juventus við Bologna í fyrsta leik dagsins en Andri Fannar Baldursson er á mála hjá Bologna. Napoli heimsækir Verona og þá eigast Parma og Sampdoria við í síðasta leiknum.

Leikir helgarinnar:

Föstudagur:
19:45 Benevento - Torino

Laugardagur:
14:00 Roma - Spezia
17:00 Milan - Atalanta
17:00 Udinese - Inter
19:45 Fiorentina - Crotone

Sunnudagur:
11:30 Juventus - Bologna
14:00 Genoa - Cagliari
14:00 Verona - Napoli
17:00 Lazio - Sassuolo
19:45 Parma - Sampdoria