„Aðeins United undir stjórn Sir Alex gat unnið fjóra titla á fimm árum"

Manchester City er með pálmann í höndunum en liðið er á toppnum með eins stigs forystu á Liverpool. City fær Aston Villa í heimsókn á meðan Liverpool mætir Wolves.

Fari svo að City vinni verður þetta fjórði titill City á síðustu fimm árum. Guardiola sagði að þessi árangur setji þetta City lið á sama stað og Manchester United undir stjórn Sir Alex Ferguson.

„Þegar ég kom sagði fólk að úrvalsdeildin væri mjög erfið, sú erfiðasta, allir vinna alla. Aðeins United undir stjórn Sir Alex gat unnið fjóra titla á fimm árum," sagði Guardiola.

„Þegar svona gerist áttaru þig á stærðargráðu United liðsins á þessum tíma og hvernig þeim tókst að gera þetta svona oft. Við erum nálægt því að vera hluti af því og við verðum að grípa tækifærið."