"Ég er auðvitað stoltur af liðinu en við erum í þessu til að ná í stig og það er grátlegt og hundfúlt að fá þau ekki í dag," sagði Jón Sveinsson, þjálfari Fram, eftir naumt tap gegn Breiðablik í kvöld.
Lestu um leikinn: Breiðablik 4 - 3 Fram
Eftir slæma byrjun svöruðu Framarar af krafti og voru síst lakari aðilinn eftir það.
"við gefum þeim tvö mörk í byrjun og vorum heppnir að þeir brenndu af víti en svo komum við okkur inn í leikinn. Þá fórum við að spila okkar leik og vorum betra liðið ef eitthvað var."
Þá vildu Framarar fá tvær vítaspyrnur sem þeir fengu ekki og var Jón á endanum spjaldaður fyrir mótmæli. "Það sáu allir atvikið nema dómarinn. Fjórði dómarinn sagðist hafa séð þetta og að þetta væri dýfa. Einar dómari sagði svo eftir leik að hann hafi ekki séð þetta. Hann getur ekki dæmt á eitthvað sem hann sér ekki."
Allt viðtalið við Jón má sjá í spilaranum hér að ofan.