Jurgen Klopp, stjóri Liverpool, var á fréttamannafundi í dag spurður út í framtíð Xherdan Shaqiri hjá félaginu.

Svissneski vængmaðurinn hefur verið að glíma við meiðsli í kálfa og aðeins spilað fjóra leiki á tímabilinu,

„Þetta snýst um að hann geti æft með okkur. Það tekur tíma að öðlast leikæfingu, hann hefur verið frá í fimm vikur. Hann hefur verið að æfa í þessari viku," segir Klopp.

„Það liggur ekkert á en hann sýndi flotta hluti á æfingum."

„Það eru utanaðkomandi aðilar sem eru að velta fyrir sér framtíð hans. Við ræddum saman fyrr á tímabilinu, þá var hann ekki að spila eins mikið og hann vildi. Þegar ég er með honum er hann mjög ánægður. Vangaveltur eru vangaveltur. Auðvitað á hann framtíð hérna."

Liverpool er með örugga forystu á toppi ensku úrvalsdeildarinnar en liðið mætir Crystal Palace á morgun.

Tweet

Senda a Facebook Hafdu samband Senda frétt Prenta frétt Frétta leit