Liverpool lagði Wolves að velli í ensku úrvalsdeildinni fyrr í kvöld og jók forystu sína á toppi deildarinnar í sextán stig, með leik til góða.
Árangur liðsins hefur verið ótrúlegur hingað til en liðið er búið að vinna 22 og gera 1 jafntefli á deildartímabilinu. Liðinu gekk jafn vel á seinni hluta síðasta tímabils og var leikurinn í kvöld sá fertugasti í röð sem liðið tapar ekki.
Jürgen Klopp var ánægður með úrslitin þó hann hafi ekki verið sérlega hrifinn af spilamennsku sinna manna.
„Þetta var erfiður leikur gegn góðu liði, Nuno (Espirito Santo) er að gera mjög vel. Það var fáránlegt að fá mark á okkur úr skyndisókn þegar við vorum 1-0 yfir. Eftir að þeir jöfnuðu var leikurinn brjálaður í 10 mínútur en svo náðum við stjórn á honum," sagði Klopp.
„Á endanum þurftum við töfrastund frá Bobby Firmino til að hjálpa okkur. Það mikilvægasta var að halda rónni en það er ljóst að við getum bætt margt við okkar leik.
„Við vorum ekki alveg nógu vel stemmdir. Strákarnir eru mennskir og við áttum góða og slæma kafla í leiknum. Það eru svona stundir sem geta verið mikilvægar í leikjum, í dag skoruðum við úr föstu leikatriði og svo vegna einstaklingshæfileika."
Sadio Mane þurfti að fara meiddur af velli í fyrri hálfleik. Klopp telur þetta vera vöðvameiðsli en það er ekki hægt að segja neitt með vissu fyrr en á morgun.
„Það er synd að missa Sadio. Vonandi er þetta ekki of slæmt, bara smá vöðvameiðsli. Við munum sjá til á morgun."
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
