Einn leikur fór fram í Lengjubikar kvenna í dag, sá leikur fór fram á Selfossi þar sem heimakonur tóku á móti Fylki.

Fyrsta mark leiksins var skorað á 17. mínútu og það gerði Stefanía Ragnarsdóttir fyrir gestina, staðan 0-1 fyrir Fylki í hálfleik.

Þegar seinni hálfleikur var sjö mínútna gamall kom annað mark Fylkis, það gerði Sara Dögg Ásþórsdóttir. Bryndís Arna Níelsdóttir skoraði þriðja mark gestanna á 80. mínútu og staðan 0-3 sem reyndust lokatölur á Selfossi.

Þetta var fyrsti leikur 2. umferðar A-deildar og Fylkir skellti sér á toppinn með sigrinum, Selfoss er hins vegar stigalaust á botninum.