Evrópa í dag - Mílanóslagur í undanúrslitum og Real á útivelli

Það er spilað bæði í deild og bikar á Ítalíu í kvöld og þá eru fjórir leikir í spænsku deildinni.

Seinni undanúrslitaleikur Inter og AC Milan fer fram í kvöld en fyrri leiknum lauk með jafntefli. Sigurvegarinn mætir annað hvort Bologna eða Empoli í úrslitum en Bologna er með 3-0 forystu í einvíginu.

Albert Guðmundsson og félagar í Fiorentina heimsækja Cagliari í deildinni. Fiorentina er í 8. sæti, þremur stigum á eftir Lazio sem er í 7.sæti. Lazio heimsækir Genoa í kvöld. Juventus getur endurheimt 4. sætið með sigri á Parma. Um er að ræða leiki sem áttu að fara fram um helgina en var frestað vegna fráfalls páfans.

Real Madrid er sjö stigum á eftir Barcelona í titilbaráttunni á Spáni. Liðið heimsækir Getafe í kvöld. Orri Steinn Óskarsson og félagar í Real Sociedad heimsækja Alaves. Sociedad fer í Evrópusæti með sigri.