Þróttur R. náði í sinn fyrsta sigur með góðri frammistöðu á móti Haukum á Ásvöllum í kvöld. Þróttarar eru því með fjögur stig eftir fjórar umferðir og sitja í sjötta sæti deildarinnar.
Lestu um leikinn: Haukar 2 - 4 Þróttur R.
Þórhallur var að vonum ánægður með karakterinn hjá sínu liði, Þróttarar lentu tvisvar undir en komu tvisvar sinnum til baka á stuttum kafla.
„Leikmennirnir héldu áfram og það var áframhaldandi andi frá síðasta leik, það var vilji í hópnum og maður sá það. Ég var ánægður með það."
Það var mikið undir í þessum leik en bæði lið voru að leita að sínum fyrsta sigri, það var því mikið um litla árekstra innan vallar sem utan. Þórhallur fékk til að mynda gult spjald fyrir mótmæli frá dómara leiksins.
„Mönnum var ekkert að lenda saman, bara að fara yfir hlutina eins og gengur og gerist. Menn vilja vera með í hlutunum og leikurinn bar þess merki að það voru tvö lið með brotið sjálfstraust að spila en ég er gríðarlega ánægður með að hafa klárað þetta.“
Athugasemdir
