Keflavík leiddi 0-3 í hálfleik og náðu Þróttarar að minnka muninn eftir leikhlé. Þetta var þriðja tap Þróttar í röð og er liðið fimm stigum frá fallsæti þegar fjórar umferðir eru eftir af tímabilinu.

„Fyrri hálfleikurinn var hræðilegur. Það voru gríðarleg vonbrigði að horfa á fyrstu 45 mínúturnar eftir tvo tapleiki og spila svona. Maður er eiginlega bara sár. þessi fyrri hálfleikur var til skammar fyrir okkur," sagði Þórhallur.

„Nú erum við í mótlæti þessi hópur. Við erum búnir að fara í gegnum þrjá vonda leiki og það er tilhlökkun í mér, og ég vona hjá strákunum, að snúa þessu við."